ysgolion

DSC09657.jpg

ysgolion

Rwy’n gweithio fel storïwr ar gyfer pob oedran o'r Cyfnod Sylfaen hyd at ysgolion uwchradd gan gynnwys grwpiau gydag anghenion arbennig. Mae pob ymweliad yn dechrau gyda sesiynau adrodd ar thema i'w phenderfynu o flaen llaw. Mae llawer o ysgolion yn dewis cael sesiynau dilynol er mwyn datblygu sgiliau llythrennedd ac ysgrifennu creadigol y plant gan ganolbwyntio ar naill ai barddoniaeth neu naratif. Byddaf yn gweithio yn aml gydag artistiaid eraill ar brosiectau aml-gelfyddydol.

Rwy'n defnyddio arddull sydd yn gadael digon o le i'r grwrandawyr ymuno ac i'r straeon aros yn fyw yng nghof y plant am amser maith sydd wedi arwain at lawer o wahoddiadau i ddychwelyd i'r un ysgolion tro ar ôl tro. Mae nawdd ariannol ar gael ar gyfer ymweliadau o dan gynllun Awduron ar Daith Llenyddiaeth Cymru.

Rwy wedi datblygu dulliau syml ac effeithiol o greu straeon a barddoniaeth gyda'r dosbarth cyfan. Cewch weld esiamplau o'r gwaith yma. Yn aml iawn ar ôl adrodd set o straeon rwy'n mynd ati i hwyluso sesiwn creu stori sydd yn cael ei recordio a'i gadael yn y dosbarth fel mp3 fel yr un isod...

Rwy wedi cynllunio ac arwain prosiectau ar gyfer Cadw, Amgueddfa Werin Cymru, Amgueddfa Genedlaethol Cymru, S4C, Clwyd Theatr Cymru, Olympiad Diwylliannol, Eisteddfod Genedlaethol, Eisteddfod yr Urdd, BBC, Canolfan Mileniwm Cymru a awdurdodau addysg a gwasanaethau llyfrgelloedd led led y wlad. Ar hyn o bryd rwy'n gweithio yn gyson fel ymarferydd creadigol ac asiant creadigol ar Gynllun Ysgolion Creadigol Arweiniol (Llywodraeth Cymru a Chyngor y Celfyddydau)

Hyfforddiant ar Gyfer Athrawon

Magu Creadigrwydd

Gyda'r galw ychwanegol am addysg greadigol wrth i'r Cynllun Ysgolion Creadigol Arweiniol ehangu trwy'r wlad i'n paratoi ni ar gyfer y cwrwcilwm newydd, rwy'n cynnig sesiynau magu creadigrwydd i athrawon er mwyn rhoi hwb i'w hyder creadigol eu hunain a'u cynorthwyo i hwyluso creadigrwydd eraill. Mae'r sesiynau ar gael i Ysgolion a'r Consortia Addysgol Rhanbarthol. Ebostiwch am ragor o wybodaeth.

 

Chwedlau, Llefaredd, Llythrennedd a Chymraeg Ail Iaith

Rwy'n cynnal sesiynau chwedleua i athrawon CA 1 a 2 gan ddefnyddio dull syml ac effeithiol Difyr heb Lyfr

 prosiect Ysgolion Arweiniol Creadigol

prosiect Ysgolion Arweiniol Creadigol